नगरपरिषदा, महानगरपालिका आणि नगरपंचायतींमध्ये ४० हजार विविध पदांच्या भरतीची कार्यवाही तातडीने सुरु करण्याचे निर्देश मुख्यमंत्री एकनाथ शिंदे यांनी दिले.

पालिकांमध्ये महाभरती ४० हजार जागांसाठी प्रक्रिया सुरू करण्याचे मुख्यमंत्र्यांचे आदेश

 राज्य सरकारमधील ७५ हजार पदांच्या भरतीची प्रक्रिया सुरू करण्यात आली असतानाच सर्व नगरपरिषदा नगरपंचायती महापालिका,  आणि महापालिका मधील ४० हजार पदे लवकरच भरण्यात येणार आहेत. नोकरभरतीची मोहीम लवकर सुरु करण्याचे आदेश मुख्यमंत्री शिंदे यांनी बुधवारी दिले.

राज्यातील सर्व अ' वर्ग नगरपालिकांच्या मुख्याधिकाऱ्यांची आणि महानगरपालिका यांची दूरदृष्य प्रणालीद्वारे परिषद झाली. यावेळी मुख्यमंत्री यांनी याबाबत आदेश दिले. राज्यातील सर्व नगरपरिषद- पंचायतीं, महानगरपालिका मध्ये एकूण एक लाख ४४ हजार ३१३ मंजूर पदांपैकी ५५ हजारांपेक्षा जास्त पदे रिक्त आहेत. त्यातील संबंधित नागरी संस्थांमधील आणि राज्यस्तरीय संवर्गमधील ४० हजार विविध पदांची भरती प्रक्रिया  सुरु करण्याचे आदेश मुख्यमंत्री शिंदे यांनी दिले आहेत. 

नगरपंचायतीमधील संचालनालयामार्फत व नगरपरिषद  गट 'क' आणि गट 'ड'मध्ये ३ हजार ७२० पदांची भरती करण्यात येणार आहे. 

नगरपरिषदांच्या शाळा महापालिका, आणि रुग्णालयांना आयुक्त, मुख्याधिकाऱ्यांनी भेटी देऊन स्वच्छतेवर भर द्यावा, गर्भवती महिला आणि ज्येष्ठ नागरिक यांना एकाच ठिकाणी सर्व वैद्यकीय सुविधा मिळाव्यात यासाठी रुग्णालयांमध्ये स्वतंत्र व्यवस्था करण्याच्या सूचना मुख्यमंत्री शिंदे यांनी दिल्या आहेत. करोनाबाबत खबरदारी घेण्यासाठी सर्व यंत्रणा सतर्क ठेवण्यासह  अग्निशमन सुविधा आणि प्राणवायूचे परीक्षण करुन घेण्याचे आदेश मुख्यमंत्री शिंदे यांनी दिले. मुंबई महानगरपालिकेकडे रुग्ण खाटा,डायलिसिस यंत्रे, व्हेंटिलेटर,  आदी वैद्यकीय उपकरणे उपलब्ध असून, ती नगरपालिकांना विनामूल्य देण्यात येणार आहेत. नगरपालिकांनी ही सामुग्री घेऊन जाण्याचे आवाहन मुख्यमंत्री शिंदे यांनी दिले.

 भरती मे अखेर पूर्ण करण्याच्या सूचना महानगरपालिकांमधील रिक्त पदांचा आढावा घेऊन सर्व सेवाविषयक बाबी पूर्ण करुन भरती प्रक्रिया युद्धपातळीवर सुरु करण्याच्या सूचनाही त्यांनी दिल्या.